sambutan MAULUD NABI MUHAMMAD SAW bahasa jawa kebumen

-          Dumateng poro Alim Ulama warotsatul anbiya ingkang tansah kawulo mulyaaken

-          Dumateng poro Bp. Kyai wabil khusus panjenenganipun Almukarom Bp. Kyai Mungalim saking Jogosimo Petanahan, ingkang kito ajeng-ajeng barokah pengaosanipun ugi ingkang kawulo mulyaaken

-          Dumateng panjenenganipun Bp. Kyai ……………………………… ingkang kawulo mulyaaken

-          Dumateng poro sesepuh, pinesepuh utaminipun Ibu Kepala Desa soho perangkatipun ingkang kawulo taati tata aturan pemerintahanipun, ugi ingkang kawulo mulyaaken

-          Dumateng poro Bapak, poro Ibu, hadirin, hadirot, kaum muslimin wal muslimat, pemuda soho fatayat rohimakumulloh, ingkang kawulo mulyaaken

    Pertama-tama monggo kito sesarengan nginggahaken puji lan syukur dateng ngarsanipun Alloh SWT  biqaulina alhamdulillahirobbil ‘alamin bilih kulo lan panjenenganipun sedoyo tesih keparingan nikmat, taufik, hidayah, lan inayah saking Alloh SWT sehinggo wonten ing siang meniko kito saged kempal manunggal, muwajjahah bil wujuh wonten ing majlis meniko dalam rangka mengeti wiosan dalem junjungan kito Nabi Agung Muhammad SAW kanti mboten manggihi alangan satunggal menopo. Mugi-mugi rawuh kulo lan panjenengan sedoyo kacatet amal ibadah shilaturahim ingkang katampi wonten ngarsanipun Alloh SWT  allohuma….aamiiin

    Sholawat soho salam mugi tansah kawuwuhaken dumateng  junjungan kito  Nabi Agung Muhammad SAW kanti pangajeng-ngajeng mugio kulo lan panjenengan sedoyo tansah saged ndereaken syafaatipun sehenggo kulo lan panjenengan sedoyo pikantuk syafaatipun wonten ing dunyo lan akheratipun allohuma…… aamiiiin

    Kepareng kawulo matur ing ngarsonipun poro rawuh sedoyo minongko mewakili saking sedoyo jajaran panitia Peringatan Maulid Nabi Agung Muhammad SAW. Sepindah ngaturaken agunging panuwun atas rawuhipun poro Bapak, poro Ibu ingkang sampun sami kerso angrawuhi undangan panitia, niko mboten kesupen sedoyo panitia ngaturaken Marhaban Ahlan Wasahlan Bikhudurikum

    Poro rawuh ingkang kawulo mulayaaken,

Salajengipun, kawulo atas nami sedoyo panitia ngaturaken matur agunging panuwun dumateng poro Bapak, poro Ibu khususipun masyarakat Pedukuhan Kokopan langkung-langkung dumateng poro pemuda soho pemudinipun ingkang sami kerso paring pambiantu dateng sedoyo panitia ingkang awujud tenogo, fikiran, harta lan bendanipun, sehinggo acara peringatan wonten ing siang meniko saged lumampah kanti lancar mboten manggihi alangan satunggal menopo. Atas nami panitia mboten saged mbales nopo-nopo dateng panjenengan sedoyo kejawi namung saged ndonga’aken mugi-mugi sedoyo amal bantuan panjenengan pikantuk piwales ingkang tikal-matikal saking Alloh SWT kanti iringan do’a Jazakumullohu Ahsanal Jaza Jaza’an Katsiro allohuma…..aamiiin

     Poro rawuh ingkang kawulo mulayaaken,

Kawulo atas nami panitia nyuwun agunging pangapunten mbok bilih anggenipun ngawontenaken peringatan wonten ing siang meniko langkung-langkung anggenipun paring pakurmatan dateng poro rawuh sedoyo kirang maremaken penggalih, awit saking penjemputan, ugi anggenipun nyediaaken papan palenggahan lan sodakohan ingkang sampun ka’aturaken nopo dene ingkang bade ka’aturaken sa’jatosipun sedoyo panitia sampun mbudidoyo sa’kiyatipun kanti mencurahkan tenaga lan fikiran supados anggenipun ngawontenaken peringatan langkung-langkung anggenipun paring pakurmatan saged maremaken penggalih poro rawuh sedoyo, ananging kados pundi malih Maksu Hati Memeluk Gunung, Tapi Apa Daya Tangan Tak Sampai. Kasunyatan namung kados makaten ingkang saged dipun suguhaken dateng poro rawuh sedoyo. Pramilo sepindah malih atas sedoyo kekirangan saking sedoyo segi, panitia nyuwun agunging pangapunten

     Poro rawuh ingkang kawulo mulayaaken,

Ingkang langkung penting, saking panitia bade nyuguhaken santapan rohani kanti pengaosan ingkang bade dipun aturaken dening panjenenganipun Almukarom Bp. Kyai Mungalim saking Jogosimo Petanahan. Milo panitia ngajak dhumateng poro rawuh sedoyo monggo kito pirengaken sesarengan kanti khidmah mugi-mugi sa’bubaripun pengaosan sa’mangke kulo panjenengan sedoyo kantuk ngilmu ingkang manfa’at lan barokah allohuma……aamiiiin

    Makaten minongko sambutan atas nami panitia, kirang soho langkungipun atur kawulo nyuwun agunging pangapunten.

Billahi Taufik Wal Hidayah Wassalamu’alaikum Warokhmatullohi Wabarokatuh      

Posted by Unknown

Tweet